Новости

[Камалова Галима]

Дүртөйлө ҡалаһында башҡорт теле һәм әҙәбиәте уҡытыусылары өсөн ойошторолған курстар бөгөн дә дауам итте.Бөгөн беҙҙә Башҡортостан мәғарифты үҫтереү институты доценты, ф.ф.к., Башҡортостандың атҡаҙанған уҡытыусыһы, РФ,РБ мәғариф алдынғыһы, М. Өмөтбаев премияһы лауреаты Ф.Б.Саньяров сығыш яһаны.

[Камалова Галима]

Дүртөйлө ҡалаһында башҡорт теле һәм әҙәбиәте уҡытыусылары өсөн ойошторолған курстар бөгөн дә дауам итте.Бөгөн беҙҙә Башҡортостан мәғарифты үҫтереү институты доценты, ф.ф.к., Башҡортостандың атҡаҙанған уҡытыусыһы, РФ,РБ мәғариф алдынғыһы, М. Өмөтбаев премияһы лауреаты Ф.Б.Саньяров сығыш яһаны.

[эльнара газизова]

2016 йылдың 24 - 27 февралендә Дүртөйлө ҡалаһының 5 -се урта дөйөм белем биреү мәктәбендә райондың башҡорт теле һәм әҙәбиәте уҡытыусылары өсөн Башҡортостан мәғарифты үҫтереү институтының башҡорт һәм башҡа туған телдәр һәм әҙәбиәттәр кафедраһы һөнәри оҫталыҡ үҫтереү курстары ойошторҙо. Мөһим сара сиктәрендә теоретик материал бирелә, оҫталыҡ - кластары үткәрелә. Иртәгә 6 класта асыҡ дәрес үткәреү көтөлә. Кафедра мөдире профессор З.М. Ғәбитова, доценттар Ә.Ғ. Илмөхәмәтов һәм Ф.Б. Саньяров бик фәһемле һәм ҡыҙыҡлы сығыштар яһайҙар.Уларға ҙур рәхмәтебеҙҙе белдерәбеҙ һәм эштәрендә ижади уңыштар теләйбеҙ!

[Камалова Галима]

Беҙ Дүртөйлөлә курстар үтеп йөрөйбөҙ!!! Курстар бик мәғлүмәтле! Рәхмәт Һеҙгә!!!

[Сулейманов Р.Ф.]

"Башҡортостан уҡытыусыһы" (№ 2, 2016. - 5 - 10 б.б.) журналында Башҡортостан мәғарифты үҫтереү институты доценты, ф.ф.к., Башҡортостандың атҡаҙанған уҡытыусыһы, РФ,РБ мәғариф алдынғыһы, М. Өмөтбаев премияһы лауреаты Фәнзил Саньяровтың "Бер телдән дә телем кәм түгел" исемле мәҡәләһе донъя күрҙе. Автор, Халыҡ - ара туған тел көнө уңайы менән, башҡорт теленең бөгөнгө булмышы, милли мәғариф мәсьәләренә ҡағылышлы проблемалар күтәрә. Республикабыҙҙың туған телдәр һәм әҙәбиәттәр уҡытыусылары үҙ фекерҙәре менән уртаҡлашһа ине.

[Сулейманов Р.Ф.]

2016 йылдың 24 - 27 февралендә Дүртөйлө ҡалаһы һәм уҡытыусылары өсөн Башҡортостан мәғарифты үҫтереү институтының башҡорт һәм башҡа туған телдәр һәм әҙәбиәттәр кафедраһы һөнәри оҫталыҡ үҫтереү курстары үткәрә. Мөһим сара сиктәрендә теоретик материал бирелә, оҫталыҡ - кластары, асыҡ дәрестәр үткәреү көтөлә. Кафедра мөдире профессор З.М. Ғәбитова, доценттар Ә.Ғ. Илмөхәмәтов һәм Ф.Б. Саньяровтың ҡатнашыуы көтөлә. Курстарға рәхим итегеҙ, коллегалар!

[Сулейманов Р.Ф.]

Дүртөйлө районының Исмәил урта дөйөм белем биреү мәктәбенең башҡорт теле һәм әҙәбиәте уҡытыусылары Халыҡ - ара туған телдәр көнөнә арнап, "Урал батыр" эпосы байрамын үткәрҙе. Сараның төп ойоштороусыһы- Гүзәлиә Урал ҡыҙы Закирова. Танылған уҡытыусы "Тирмәкәй" авторлыҡ программаһын төҙөгән, 220 бала уҡыған мәктәптә шуға ярашлы халыҡ традицияларын, ауыҙ - тел ижадын өйрәнәләр. Уҡыусылар эпосыбыҙҙы яттан һөйләй, республика конкурстарында актив ҡатнаша. 19 февралдә үткән байрамда ла башҡорт телен яҡшы белеүҙәрен, яратыуын күрһәтте белем алыусылар. "Урал батыр " буйынса үткән флешмоб ҙур йәнлелек менән үтте. Урамда ҡышҡы уйын йолалары үҙғарылды. Мәктәп көрәшселәре спорт таҫыллығы менән һоҡландырҙы.Уҡытыусылар Ғәлиә Әйүпова, , Айгөл Шәйниязова, китапханасылар Рәзилә Сәләхова,Земфира Хәкимовалар ҙур активлыҡ күрһәтте. Сәсәниә, профессор Розалия Солтангәрәева ҡобайыр әйтеп ҡыуандырҙы. Балалар һәр һүҙен ҡабатлап торҙо. Доцент Ф.Б. Саньяров Бөтә донъя башҡорттары ҡоролтайының Маҡтау ҡағыҙҙарын тапшырҙы, уҡыусыларҙың һорауы буйынса яңы шиғырҙарын уҡыны. Эпос хаҡында фекерҙәре менән уртаҡлашты. Сара бик файҙалы булды.

[Сулейманов Р.Ф.]

Хөрмәтле туған телдәр һәм әҙәбиәттәр уҡытыусылары, коллегалар! Һеҙҙе Башҡортостан мәғарифты үҫтереү институты ректоры Р.Ғ. Мәжитов, кафедра мөдире З.М. Ғәбитова һәм барлыҡ хеҙмәткәрҙәр исеменән Халыҡ - ара туған телдәр көнө менән ихлас ҡотлайбыҙ! Туған телдәрҙе һаҡлау һәм үҫтереү БМО һәм ЮНЕКСО тарафынан халыҡ - ара хоҡуҡи - норматив база нигеҙендә алып барыла. Бөгөн донъяла 6 мең тел (диалекттар менән) бар. Белгестәр фаразлауынса, уларҙың ҡырҡа кәмей барыуы күҙәтелә. Әлбиттә, яҡын арала, мәҫәлән, башҡорт һәм татар телдәренә юҡҡа сығыу янамай, ә хәүеф бар. Беҙ, туған тел уҡытыусылары, ысын мәғәнәһендә, тел һағында тороусылар, көндәлек эшебеҙ, ғаиләлге һәм йәмғиәттәге ролебыҙ шуның менән бәйле. Яуаплы һәм ҡатмарлы хеҙмәтегеҙҙә ҙур уңыштар теләйбеҙ, ең һыҙғанып, туған телебеҙ һәм халҡыбыҙға хеҙмәт итәйек, коллегалар!

[Сулейманов Р.Ф.]

2016 йылдың 11 февралендә Ҡырмыҫҡалы районының Иҫке Бәбес мәҙәниәт йортонда районда яңы ғына ойошҡан "Илһам" әҙәби берекмәнең икенсе ултырышы үтте. Ул шиғриәт һәм йыр байрамына әүерелде. Уҡытыусы һәм шағирә Фирүзә Абдуллина әҙерләгән һәм алып барған сара бай йөкмәткеле булды. Мәктәп уҡыусылары йыр һәм бейеү менән ҡыуандырҙы. Ижадсылар илһамланып, яңы шиғырҙарын уҡыны.Һуңынан берекмәнең идара ултырышы булып үтте, киләсәккә эш пландары ҡабул ителде. Педагог - ғалим, үҙе лә журналист һәм шағир Фәнзил Саньяров әҙәби берекмәнең кураторы итеп һайланды."Әҙәбиәт йылы" тамамланһа ла бик күп яҙыусылар үҫтергән төбәктә илһам уты һәм ижад ҡомары һүнмәй. Шуныһы ҡыуаныслы: ижадсылар араһында мәктәп уҡыусылары һәм ауыл уҡытыусылары күп. "Илһам" әҙәби берекмәһенә уңыштар теләйбеҙ!

[Габитова З.Г.]

6-сы дәрес
Хаталар өҫтөндә эш.
Маҡсат: Уҡыусыларҙың белем кимәлен билдәләү, анализ яһау, етешһеҙлектәрен күрһәтеү.
Дәрес барышы
I. Конторль диктант буйынса хаталар өҫтөндә эш:
1. Яҙма эш дәфтәрҙәрен таратып биреү.
2. Диктант буйынса хаталар өҫтөндә эш үткәреү.
3. Бөтә уҡыусылар өсөн дөйөм хаталарға анализ яһау.
4. Һәр уҡыусының үҙенә генә хас хатаһын, етешһеҙлеген күрһәтеү.
5. “4”, “5” билдәләре алған уҡыусылар хаталы һүҙҙе йәки һөйләмде генә күсереп яҙа. Ҡалғандар тулы тексты һәм өҫтәлмә эште хатаһыҙ итеп күсерә.
6. Яҙма эш дәфтәрҙәрен йыйып алыу.
II. Йомғаҡлау өлөшө.
1. Уҡыусылар менән йәй айҙары, йәйге каникулдарҙы нисек үткәреү, хәүефһеҙлек ҡағиҙәләре тураһында һөйләшеү.
2. Башҡортсотан республикаһында балалр ялын ойоштороу буйынса төрлө лагерҙар эшләүе, республиканың балалар ял йорттары эшләүҙәре, республиканың төрлө иҫтәлекле урындарына барыу мөмкинлеге тураһында фекер алышыу.
3. 22- се күнегеүҙәге А.Игебаев “Тыуған ер” шиғырын тасуири уҡыу һәм уның йөкмәткеһе буйынса әңгәмә ойоштороу.
4. Дәресте йомғаҡлау.